సిలువలో సాగింది యాత్ర
కరుణామయుని దయగల పాత్ర (2)
ఇది ఎవరి కోసమో
ఈ జగతి కోసమే
ఈ జనుల కోసమే ||సిలువలో||
పాలు కారు దేహము పైన
పాపాత్ముల కొరడాలెన్నో (2)
నాట్యమాడినాయి నడి వీధిలో నిలిపాయి (2)
నోరు తెరువ లేదాయే ప్రేమ
బదులు పలుక లేదాయే ప్రేమ (2) ||ఇది ఎవరి||
చెళ్ళుమని కొట్టింది ఒకరు
ఆ మోముపై ఊసింది మరియొకరు
బంతులాడినారు బాధలలో వేసినారు
నోరు తెరువలేదాయె ప్రేమ
బదులు పలుకలేదాయె ప్రేమ ||ఇది ఎవరి||
వెనుక నుండి తన్నింది ఒకరు
తన ముందు నిలిచి నవ్వింది మరి ఒకరు (2)
గేలి చేసినారు పరిహాసమాడినారు (2)
నోరు తెరువ లేదాయే ప్రేమ
బదులు పలుక లేదాయే ప్రేమ (2) ||ఇది ఎవరి||
దాహమని అడిగింది ప్రేమ
చేదు దాహాన్ని ఇచ్చింది లోకం
చిరకనిచ్చినారు మరి బరిసెతో గుచ్చారు
నోరు తెరువలేదాయె ప్రేమ
బదులు పలుకలేదాయె ప్రేమ ||ఇది ఎవరి||